موندل

^١٥ که تاسو زما سره مينه کوئ نو زما په حُکمُونو عمل کوئ. ^١٦ اَؤ زَۀ به پلار ته خواست وکړم چه تاسو ته بل مددګار درکړى څوک چه به تاسو سره مُدام وى، ^١٧ اَؤ هغه به دَ حق رُوح وى، دُنيا هغه نۀ شى قبلولے ځکه چه دُنيا نۀ خو هغه وينى اَؤ نۀ ئے پيژنى خو تاسو ئے پيژنئ ځکه چه هغه تاسو سره اوسى اَؤ په تاسو کښے وى.

^١٨ زَۀ به تاسو يتيمان نۀ پريږدم، زَۀ تاسو ته بيرته راځم. ^١٩ لږ ساعت پس به دُنيا بيا ما نۀ وينى خو تاسو به مے وينئ. ځکه چه زَۀ ژوندے يم نو تاسو به هم ژوندى يئ. ^٢٠ بيا به تاسو پوهه شئ چه زَۀ په خپل پلار کښے يم اَؤ تاسو په ما کښے يئ اَؤ زَۀ په تاسو کښے يم.

^٢١ دَ هر چا سره چه زما حُکمُونه دى اَؤ په هغو عمل کوى نو دا هغه دى چه ما سره مينه کوى. هر څوک چه ماسره مينه کوى زما پلار به ور سره مينه وکړى اَؤ زَۀ به دَ هغۀ سره مينه وکړم اَؤ خپل ځان به ورته څرګند کړم.

دويم قدم: قيصه بيا کول

قيصه په خپلو ټکو کښې بيا وکړئ. تاسو په اوچت آواز سره هم دا وئيلے شئ، يا يې ليکلے هم شئ. کۀ چرې تاسو ته په ياده باندې قيصه نۀ يى ياده، نو دا يو ځل بيا ولولئ يا يې واؤرئ.

دريم قدم: په قيصه باندې پوهيدل

کله چې تاسو ته معلومه شى چې قيصه درته ياده شوه، نو بيا تاسو لږ وخت دَ پاره په دې ورکړے شوو سوالونو باندې سوچ اؤ خبرې کولے شئ

دا قيصه تاسو ته دَ الله پاک په باره کښې دَ څۀ ښودنه کوى؟
دا قيصه تاسو ته دَ انسان په باره کښې دَ څۀ ښودنه کوى؟
کۀ چرې دا ستاسو دَ پاره واقعى دَ الله پاک کلام دے، نو دَ دې په رڼا کښې به بيا به تاسو په خپل ژوند کښې څۀ بدلون راولئ؟
تاسو به چا ته دا قيصه کوئ؟

مينه اؤ تابعدارى وکړه روح القدس حاصل کړه

ړومبے قدم: قيصه لوستل

دويم قدم: قيصه بيا کول

دريم قدم: په قيصه باندې پوهيدل